«КММ №144 мектеп-гимназиясы мұғалімдерінің оқу-әдістемелік материалдары мен авторлық бағдарламалары негізінде педагогикалық тәжірибені трансляциялау» Өткізу күні: 08.04.2026 ж. Қатысқандардың жалпы саны: 21 Конференцияның күн тәртібі: Мұрат Айман Мұратқызының «Қазақ тіліндегі қарым-қатынас мәдениеті: дәстүрден цифрлық және жасанды интеллект ортасына» тақырыбындағы авторлық бағдарламасы бойынша баяндамасы.

Біздің мектеп оқушылары кәсіби бағдар беру аясында Автомеханикалық колледжіне барды. Экскурсия барысында балалар заманауи шеберханалармен танысып, автокөліктерге диагностика жасау және жөндеу жұмыстарын өз көздерімен көрді. Мұндай іс-шаралар түлектерге болашақ мамандығын дұрыс таңдауға көмектеседі. Шабыт пен жаңа білім алған оқушыларымызға сәттілік тілейміз!

КММ «№144 мектеп-гимназиясының» 9 «Б» сынып оқушысы Нургожа Жанерке «Менің бастамам – менің Отаным үшін» жобасы аясында «Медеу» тақырыбындағы өз жұмысын ұсынды. Жоба мазмұны Медеу мұз айдынының тарихи, мәдени және әлеуметтік маңызын жан-жақты ашуға бағытталған. ​https://youtu.be/Q5VPPBs_aq4?si=VQ1Tg3iP_ITgEoFL​​​

«Алматы – таза қала» экологиялық бастамасы аясында, қаланың экологиялық жағдайын жақсартуға бағытталған шараға мектеп мұғалімдері мен әкімшілігі белсенді қатысып, қалалық сенбілікке қосылды. Сенбілік барысында қатысушылар мектеп аумағын және маңайдағы жерлерді тазалап, қоқыстарды жинап, газондар мен гүлзарларды ретке келтіріп, мектеп ауласын көгалдандыруға да үлес қосты. Жұмыс жылы атмосферада өтті, әрбір қатысушы қоршаған ортаны әсемдеу үшін өз үлесін қосты.

https://youtu.be/FeJwnMqqNDQ Жаһандану жағдайында ұлттық мәдени мұраны сақтау мен насихаттау ерекше маңызға ие. Мәдени сәйкестік туралы тұжырымдамаларға сәйкес, тарихи ескерткіштерді тану мен зерделеу жас ұрпақтың елге деген құрметі мен азаматтық санасының қалыптасуына ықпал етеді. КГУ «№144 мектеп-гимназиясының» 11 «А» сынып оқушысы Хамраева Дильназ «Қазақстанның жеті кереметі» байқауына қатысып, Тамғалы археологиялық кешеніне арналған зерттеу жұмысын ұсынды.